Scéim Leathanbhanda Tuaithe
Scéim Leathanbhanda Tuaithe
Bunaíodh an Scéim Leathanbhanda Tuaithe ionas go bhféadfaí seirbhís bhunúsach leathanbhanda a sholáthar d'áitribh faoin tuath nach bhfuil ábalta ar sheirbhís leathanbhanda a fháil ó na soláthraithe seirbhíse idirlín atá ann cheana.
Cruthaíodh an Scéim i gcomhpháirt leis an Roinn Talmhaíochta mar bheart faoin Scéim Forbartha Tuaithe ag úsáid maoiniú ó Chiste Talmhaíochta na hEorpa d'Fhorbairt na Tuaithe.
Ceantair a chlúdaítear ag an Scéim Leathanbhanda Tuaithe
Conas a oibreoidh an Scéim ?
Beidh roinnt áirithe céimeanna leis an Scéim. Tá Céim an n-iarratas den scéim, a rith ón 9ú Bealtaine 2011 go dtí an 29ú Iúil 2011 thart anois agus tá na hiarratais á saothrú anois. Má chuir tú iarratas isteach ag druidim leis an lá scoir beidh litir admhála á seoladh chugat go luath.
Sa dara chéim den Scéim, fiosróidh an Roinn de sholáthraithe seirbhíse idirlín atá ann cheana féachaint an mbeadh siad sásta seirbhís a sholáthar go dtí na háitribh i gceist. Má tá siad sásta seirbhís a sholáthar, scríobhfaimid chugat chun cead a lorg ort ligean do na cuideachtaí seo teagmháil a dhéanamh leat. Más féidir seirbhís inacmhainne a sholáthar duit sa tslí seo, dúnfar d'iarratas faoin Scéim. I gcomhthéacs chuspóirí na Scéime is é is ciall le "seirbhís inacmhainne" ná seirbhís seachas seirbhís satailíte, ar chostas cosúil leis an gcostas a ghearrann Soláthraithe Seirbhíse sa cheantar ina bhfuil cónaí ort.
Mura dtoilíonn aon cheann de na cuideachtaí i gceist seirbhís a thairiscint duit, rachaidh d'iarratas ar aghaidh go dtí an chéad chéim eile sa Scéim. Scríobhfaimid chugat ag an am sin le tú a chur ar an eolas. Táimid ag súil go mbeidh an dara Chéim sa Scéim críochnaithe faoi Eanáir 2012 ar a dhéanaí.
Is sa tríú chéim den Scéim a roghnóidh an Roinn soláthraithe seirbhíse idirlín a dhéanfaidh tairiscint ar sheirbhís bhunúsach idirlín d'iarrthóirí. Tabharfaimid na sonraí a bhaineann le gach iarrthóir don tseirbhís seo don soláthraí seirbhíse agus déanfaidh sé siúd teagmháil leis na hiarrthóirí agus an tseirbhís a thairiscint dóibh. Cé go mbeidh an Roinn ag íoc as cuid de chostas an trealaimh atá riachtanach le seirbhís a sholáthar faoin Scéim, is é an t-iarrthóir a bheidh freagrach as íoc as costas na seirbhíse féin. Seans go mbeadh costas éigin a bhaineann leis an gceangal le híoc i dtosach mar aon le táillí míosúla don tseirbhís féin. Beidh tuilleadh sonraí faoin tseirbhís agus na costais a ghabhfaidh léi ar fáil nuair a roghnófar an Soláthraí Seirbhíse. Níl dualgas ort glacadh le tairiscint seirbhíse faoin Scéim seo.
Táimid ag súil le tús a chur le feidhmiú céimneach na seirbhíse seo go luath i 2012 agus go mbeidh an Scéim comhlánaithe faoi dheireadh 2012 ar a dhéanaí.
Cosaint Sonraí
Le go n-oibreodh an Scéim go rathúil, beidh sé de riachtanas sonraí iarrthóirí (Ainm, seoladh agus uimhir ghutháin) a thabhairt do sholáthraithe seirbhíse le measúnú agus cinneadh a dhéanamh faoi sheirbhís a thairiscint duit. Ní dhéanfaidh aon soláthraí seirbhíse teagmháil leat gan cead scríofa a bheith tugtha agat roimhré. Ní féidir iarratas a ghlacadh faoin scéim ach más féidir linn soláthraithe seirbhíse a chur i dteagmháíl leat.
Ní féidir glacadh le hiarratas faoin scéim gan a bheith ábalta ar chead a thabhairt do sholáthraithe seirbhíse dul i dteagmháil leat.
Preaseisiúintí
Rural Broadband Scheme announced by Minister Rabbitte 09/05/2011
Rural Broadband Scheme Progress Update 08/07/2011
